DÚAS FONTES
FONTIÑA AO PÉ DO MEU SONO
Fontiña ao pé do meu sono
manas e cantas
arrolos de ágoa:
mana o meu sono,
contigo canta
e tristementes perde
outura e baixa.
Escorres no pó a túa
imaxe crara:
o sono vaise contigo:
deixas as bágoas.
Como unha pinga esquecida
da fonte
que chora e canta,
seña eisí a miña vida,
seña eisí a miña i-alma.
COMO DEITA O TEMPO
Como deita o tempo o meu segredo
do mañán para sempre
feito de onte, eterno!